Ad aurem eiusdem partis, de qua per narem sanguis fluit, dici oportet ter nouies : 'σοκσοκαμ συκυμα'; etiam postea similiter dices.

ad lippitudinem inter principia sedantam in chartam uirginem scribe ουβαικ et licio, quod in tela fuerit, collo lippientis innecte

Carmen ad profluuium sanguinis ex quocumque membro manantis. Locum, ex quo defluit, digito medicinali tanges et uincies speties dices et quotiens uolueris repetes, donec fluorem peruincas, 'socnon socnon'.

Efficax remedium hordiolis : nouem grana hordei sumes et de singulis uarum punges perque singula puncta carmen dices et proiectis nouem granis septem alia corripies et similiter de singulis punges et carmen septies dices, abiectis etiam quinque sumes et idem quinquies facies, idem de tribus granis similiter, idem de uno similiter. Carmen autem hoc dices : κυρια κυρια κασσαρια σουρωρβι 

Incipiens lippitudo mirifice et sine dubitatione depelletur, si in charta uirgine scribas et collo dolentis licio suspendas φυρφαραν et hoc praeligamen purus castus facias

Item fauces, quibus aliquid inhaeserit, confricans dices : 'xi exucricone xu criglionaisus scrisumiouelor exucricone xu grilau'.

item hoc remedium efficax : ... item digito medicinali uarum contingens dices ter : 'uigaria gasaria' uarumque grano hordei ardenti aut stipula aut palea ures

Item ipso oculo clauso, qui carminatus erit, patentem perfricabis et ter carmen hoc dices et totiens spues : inmon dercomarcos axatison'.

Omnia, quae haeserint faucibus, hoc carmen expellet : 'heilen prosaggeri uome si polla nabuliet onodieni iden eliton'. Hoc ter dices et ad singulas expues

Qui crebro lippitudinis uitio laboratit, millefolium herbam radicitus uellat et ex ea circulum faciat, ut per illum adspiciat et dicat ter : 'excicum acrisos', et totiens ad os sibi circulum illum admoueat et per medium exspuat et herbam rursus plantet.

Scribes in charta uirgine et collo suspendes lino rudi ligatum tribus nodis ei, qui profluuio sanguinis laborat : ψα ψε ψη ψε ψη ψα ψε

Si quis ab equitando aut ambulando inguen habuerit, scribat in charta κυστος, et ad femur sibi alliget, cito sanabitur.

Varulis, id est hordiolis oculorum, remedium tale facies : anulis digitis eximes et sinistrae manus digitis tribus oculum circum tenebis et ter despues dices : 'rica rica soro'.